Ջաննի Ռոդարի
Ժամանակին մի երիտասարդ էր ապրում: Նա երազում էր մեծ գիտնական դառնալ: Գիշեր-ցերեկ սովորում էր, երկար տարիներ, ու մի օր վերջապես ինքն իրեն ասաց.
– Ես շատ բան եմ սովորել, գիտնական եմ դարձել և հիմա բոլորին ցույց կտամ‚ թե ինչեր կարող եմ անել:
Միանգամից անցավ փորձեր անելուն: Նա հայտնաբերեց պանրի անցքերը: Բայց հետո իմացավ‚ որ դրանք վաղուց հայտնաբերված են:
Ի՛նչ պիտի աներ, շարունակեց սովորել: Սովորում էր առավոտից իրիկուն, իրիկունից առավոտ, երկար ամիսներ: Մի օր վերջապես ինքն իրեն ասաց.
– Ավարտելու ժամանակն է, ես շատ բան եմ սովորել, գիտնական եմ դարձել և հիմա բոլորին ցույց կտամ‚ թե ինչեր կարող եմ անել:
Նա անձրևանոցի վրայի անցքերն էր հայտնաբերել,և բոլորը մի լավ ծիծաղեցին իր վրա:
Գիտնականն էլի չհուսահատվեց‚ նորից սկսեց գրքեր կարդալ‚ փորձեր անել: Ու մի օր վերջապես ինքն իրեն ասաց.
– Ըհը՛, հիմա ես համոզված եմ‚ որ չեմ սխալվում: Հիմա ես
գիտնական եմ:
Բայց, արի ու տես, որ այս անգամ էլ սխալվեց: Նա նավերը ջրաներկով ներկեց. շա՜տ թանկ նստեց: Դա դեռ ոչինչ, ծովի ջրի գույնն էլ փոխվեց:
– Մեկ է` ես կդառնամ մեծ գիտնական‚-որոշեց գյուտարարը, չնայած մազերն արդեն սպիտակել էին:
Նա նորից գրքերը ձեռքն առավ և այնքան պարապեց, որ իսկապես գիտնական դարձավ:
Այդ ժամանակ նա կարող էր հնարել՝ ինչ ուզեր: Լուսին գնալու մի մեքենա հորինեց: Մի գնացք էլ ստեղծեց, որն ընդամենը մի բրնձահատիկով կարող էր հազարավոր կիլոմետրեր սլանալ: Կոշիկներ կարեց‚ որոնք երբեք չէին մաշվում, ու էլի լիքը հետաքրքիր բաներ:
Նա միայն մի բան չկարողացավ գտնել ՝ ինչպես սովորենք երբեք չսխալվել:
Երևի ոչ ոք էլ չի կարող դա գտնել:
Հարցեր և առաջադրանքներ
- Ի՞նչ հայտնագործություններ արեց գիտնականը:
Պանրի անցքերը, անձրևանոցի անցքերը, չմաշվող կոշիկը, Լուսին գնալու մի մեքենա, Մի գնացք որն ընդամենը մի հատիկով կարող էր հազարավոր կիլոմետրեր սլանալ: - Իսկ դու ի՞նչ կուզեիր ստեղծել, որը հիմա չկա:
Ժամացույց, որի շնորհիվ միշտ ամառ կլինի: - Երազանքիդ մասին պատմի՛ր:
Ես ուզում եմ, որ բոլոր մարդիկ բարի լինեն իրար համդեպ: Չլինեն վեճեր, կռիվներ, պատերազմներ: - Գտի՛ր հատկանիշ ցույց տվող բառերը:
Մեծ, երկար, երիտասարդ: - Հեքիաթից առանձնացրու՛ ինչ հարցին պատասխանող բառեր, ավելացրու՛ ինչպիսի հարցին պատասխանող բառեր և բառակապակցություններ ստացի՛ր (օրինակ՝ երիտասարդ-խելացի երիտասարդ):
Լուսին -կլոր լուսին, մեծ լուսին, փոքր լուսին, լիալուսին:
գիտնական-երիտասարդ գիտնական, մեծ գիտնական, աղքատ գիտնական:
իրիկուն-մռայլ իրիկուն, խաղաղ իրիկուն հանգիստ, անձրևոտ իրիկուն:
մեքենա- արագընթաց մեքենա, բեռնատար մեքենա, սպորտային մեքենա, ժամանակի մեքենա:
գնացք- արագընթաց գնացք, բեռնատար գնացք: