Անտառի մի խորհրդավոր բացատում ապրում էր մի փշատերև ծառ: Անտառի ծառերից ոչ մեկը նրա հետ ընկերություն չէին անում: Գարնանը բոլոր ծառերը բողբոջում էին, տերևակալում, զարդարվում ծաղկաթերթերով, մեկը մյուսին զարմացնում իրենց ծաղիկների բուրմունքով, իսկ փոքրիկ փշատերևը զարմացած նայում էր, թե ինչպես էին բոլոր ծառերը պես-պես զգեստներ հագնում, սոսափում ու պարծենում իրենց գեղեցկությամբ…
Բայց երբ եկավ աշունը, նրանց տերևները թափվեցին, իսկ առաջին ձյան հետ նրանք մերկացան ու տխուր լռեցին: Միայն փոքրիկ փշատերևն էր, որ կանաչ ու դալար կանգնած էր մնացել…
Շուտով Նոր տարի էր… Անտառի բնակիչները պատրաստվում էին Նոր տարվան…Նրանք ուզում էին շատ գեղեցիկ դիմավորել Ձմեռ Պապիկին և որոշում են զարդարել փշատերևին։ Ամեն մեկը տարբեր բաներ է բերում. սկյուռիկը բերում է ընկույզ և կաղին, ոզնին՝ չորացրած սնկեր, իսկ նապաստակը իր մայրիկից խնդրում է փոքրիկ գազարներ։
Շատ շուտով տոնածառը շքեղ տեսք է ստանում, գազանիկներն ուրախանում են, իսկ փշատերևը հուզված նայում է շուրջը։ Նա երջանիկ էր, սակայն զգում էր, որ բոլոր ծառերը տխուր են։
Գիշերը, երբ բոլոր գազանիկները պառկում են քնելու, նա բվին խնդրում է, որ իր խաղալիքների կեսը տանի և կախի մյուս ծառերի ճյուղերից։ Հաջորդ օրը երբ, Ձմեռ Պապը գալիս է անտառ, տեսնում է, որ բոլոր ծառերը գեղեցիկ զարդարված են։ Նա զարմացած հարցնում է. «Իսկ ո՞վ է զարդարել անտառի մյուս ծառերը»: Փշատերևը համեստորեն լռում էր: Այդ ժամանակ բուն որոշեց ամեն ինչ պատմել Ձմեռ պապիկին: Ձմեռ պապը շոյեց փշատերևի դալար փշիկները և ուրախացած բացականչեց. «Այսօրվանից քեզ կկոչենք տոնածառ: Դու բոլորին տոն ես պարգևել: Դու աշխարհի ամենաբարի ծառն ես»:
Հնչեցին Նոր տարվա զանգերը, երկնքում վառվեցին ամանորյա աստղիկները, փաթիլ-փաթիլ ձյուն եկավ, և անտառի բոլոր բնակինչներն ու ծառերը Ձմեռ պապի հետ դիմավորեցին Նոր տարին: Նրանք հասկացան, որ անտառում բոլորն էլ կարևոր են, որ պետք է սիրով ապրեն անտառում, որ ոչ մեկն անտառում չպետք է «քիթը վեր ցցի»…
Հարցեր և առաջադրանքներ
- Բառարանի օգնությամբ բացատրի՛ր նշված բառերը:
խորհրդավոր բացատում- գաղտնիքներով պատված բաց տեղ քաղաքի շրջակայքում
բուրմունքով- Անուշ հոտով պատված
զգեստներ-հագուստ
սոսափում – սվսվալ
պարծենում -գլուխ գովել
շքեղ-պերճ
8. Համառոտի՛ր նախադասությունները՝թողնելով միայն ի՞նչ և ի՞նչ է անում հարցերին պատասխանող բառերը:
Գարնանը բոլոր ծառերը բողբոջում էին:
Ծառերը բողբոջում էին:
Փոքրիկ փշատերևը կանաչ ու դալար կանգնած էր:
Փշատերևը կանգնած էր:
Գիշերային երկնքում վառվեցին ամանորյա աստղիկները:
Աստղիկները վառվեցին:
- Շարունակի՛ր ըստ օրինակի.
Օրինակ՝ զարմանք-զարմանալ
Ուրախ – ուրախանալ
Տխուր -տխրել
Բողբոջ -բողբոջել
Կանաչ -կանաչել
Չոր -չորանալ
- Տրված պարզ բառերից կազմի՛ր բարդ բառեր:
Տերև, ծաղիկ, ծառ, թերթիկ, փուշ, տոն
Տերևաթափ, ծաղկաման, ծառատունկ, բազմաթերթիկ, փշատերև, տոնածառ:
- Տրված բառերն ու ածանցները միացնելով կազմի՛ր ածանցավոր բառեր: Օրինակ փոքր + իկ = փոքրիկ
Ա. Փուշ, ուրախ, խորհուրդ
Բ. Ություն, իկ, ավոր
Փշիկ, ուրախություն, խորհրդավոր
- Լրացրո՛ւ բաց թողնված սյունակները.
Եզակի (մեկ) | Հոգնակի (շատ) |
Անտառ | անտառներ |
ծառ | ծառեր |
փուշ | փշիկներ |
նապաստակ | նապաստակներ |
գազանիկ | գազանիկներ |
սկյուռիկ | սկյուռիկներ |
- Լրացրո՛ւ աղյուսակը՝ տրված բառերը տեղափոխելով համապատասխան սյունակում.
ի՞նչ | ի՞նչպիսի | ի՞նչ անել, ի՞նչ լինել |
Անտառ | խորհրդավոր | նայում է |
տոնածառ | դալար | բողբոջում էին |
փշատերև | կանաչ | թափվում են |
կաղին | գեղեցիկ | զարդարում էին |
ընկույզ | փոքրիկ | պատրաստվում էին |
գիշեր | տխուր | հարցնում է |
սկյուռ փաթիլ |
զարդարված է |